Истражување открива дека жените се откажуваат од еманципација...



Верувале или не, 62% од жените откриваат дека, доколку би можеле, радо би го поминале животот во улога на домаќинка грижејќи се за своите деца и домот. Причината за ова било поради стресното и тешкото градење на кариера во денешно време.

Според истражувањата на порталот MyCelebrityFashion, спроведено на околу 2.000 вработени дами над 25 години, поголемиот дел од испитаниците повеќе би сакале да бидат домаќинки, отколку да градат успешна кариера.

Повеќе од половина, поточно 57% од испитаниците изјавиле дека сакаат многу порелаксиран начин на живот. Сепак, 74% од испитаниците признале дека чувствуваат притисок од другите жени во нивната околина, бидејќи тие им сугерираат дека треба да бидат независни од другите.

Резултатите од истата студија покажале дека 78% од жените без проблеми се согласиле дека сакаат да бидат финансиски зависни од својот сопруг.

- Изненаден сум од резултатите што повеќето жени сакаат да работат во својот дом, наместо во компанија. Многу често се зборува дека треба да ја охрабруваме финансиската еманципација за дамите. Сепак, најшокантен податок е што на жените воопшто не би им пречело мажот да ги издржува - изјавил Боби Малпас, еден од авторите на ова истражување.