Квалитетот на водата на повеќе од 90% од местата за капење во ЕУ, ги задоволува европските критериуми. Во заедничкиот извештај на Европската комисија и Европската агенција за заштита на животната средина се наведува дека според критериумите и прописите донесени во 2006 година, квалитетот на водата е задоволителна на 94% од анализираните плажи...

Квалитетот на водата е задоволителен ако во неа процентот на микро организми е во границата на она што е допуштено со тој европски пропис. На 78% од местата за капење квалитетот на водата е оценет како одличен, а минимален квалитет е забележан на 2% повеќе од капачките места отколку минатата година.

Утврдено е дека квалитетот на водата на капачките места во ЕУ постојано се подобрува. Сепак останува уште многу да се направи за квалитетот на водата да се гарантира на сите плажи, рекол европскиот комесар за животна средина Јанез Поточник.

За капење посебно се поволни Кипар и Луксембург, бидејќи на сите 112, односно 11 места за капење во тие две земји е забележан одличен квалитет на водата.

Веднаш зад нив се Малта и Хрватска, каде е анализирана водата на 87 односно 919 места, а одличен квалитет на водата е констатиран на 97, односно 95% од местата.

Следуваат Грција, Германија, Португалија и Италија, каде квалитетот на водата е одличен на 85 до 93% од капачките места.

Најмногу плажи каде квалитетот на водата не е задоволителен има во Белгија, Холандија и Велика Британија, каде на 13, 6,5, односно 6% од местата не е препорачливо да се бања.

Некои од тие плажи минатата година беа затворени, како и 0,2% од плажите во Франција.

Во земјите во ЕУ, Швајцарија и Хрватска имаат вкупно 22.000 плажи, а Европската агенција за заштита на животната средина секоја година собира извештаи од властите на тие земји кои го утврдуваат присуството на микро организми во водата.