Часовникот, носен од Шон Конери во филмот за Џејмс Бонд "Операција молња", се очекува да биде продаден за 60 000 фунти на аукција на аукциската куќа Кристис, откако бил купен во гаражата за распродажба за само 25 фунти...

Часовникот Breitling Top Time, носен во филмот од 1965 година, бил купен пред неколку години. Откако разбрал дека се е здобил со нешто многу специјално, купувачот, кој сака да остане анонимен, го однел часовникот на експерт, за да го процени.

Но, бил шокиран кога дознал каква е неговата реална цена и неговата важност поради филмот. Часовникот бил носен за време на мисијата на агентот 007 за отворање на две нуклеарни бомби на НАТО, украдени од SPECTRE во "Операција молња".

Тој бил опремен со гаигеров бројач, кој детектира радијација. Часовникот бил користен од Бонд, за да му помогне да го детектира украденото нуклеарно оружје за време на подводните сцени. Тој е создаден од брендот Браитлинг во 1962 година, бил адаптиран од уметничкиот оддел на филмовите за Џејмс Бонд и е единствениот примерок за филмот.

Неговото престојувалиште беше мистерија за многу години, додека не бил откриен во гаража за распродажба.

Часовникот ќе биде продаден од аукциска куќа Кристи во Лондон следниот месец и се очекува за него да бидат платени меѓу 40 000 и 60 000 фунти.