Сиси Брус, келнерка во ресторан во Индијанаполис, била шокирана кога за сметка од 6 долари добила екстра висок бонус...



Келнерката Сиси Брус рекла „Знаев дека секогаш се исплаќа да бидеме љубезни, затоа често добивав висок бакшиш.“

Последниот бакшиш Сиси веројатно ќе го памти до крајот на животот. Всушност, станува збор за редовна гостинка, која за сметка од 6 $ и оставила бакшиш дури 446 долари, пренесува Хафингтон пост.

„Кога гледав во парите си реков: „О, Боже мој, госпоѓо! Не можам да прифатам!“, а таа рече: „Да, ќе прифатиш!“, возбудено рекла Брус.

Нејзиниот шеф Гер Гули рекол дека Сиси го заработила секој долар. „Таа останува до доцна, а доаѓа рано. Кога и да ми треба, таа е тука. Значи, таа го заслужува ова најмногу од било кој друг.“, рекол Гули.

Брус ќе го искористи бакшишот за да плати некои заостанати сметки.