Вкусниот десерт ја предводи листата со наједноставните нешта кои ги прават луѓето среќни...

Во истражувањето учествувале мажи и жени со просечен приход, кои не можат да си дозволат скапи работи, но знаат како да се радуваат на животот без непотребен луксуз. Резултатите по анкетата на 2.000 лица покажуваат дека луѓето се најсреќни кога сами ќе си подарат нешто или се наградат со убав подарок, отколку ако го добијат од некој друг.

Број еден на листата на работи кои ни ги разубавуваат деновите е десертот, следен од бонбони или други лакомства. Третата позиција е за попладнето, во кој не правите ништо, а четвртото место го зазема слободната вечер со чаша вино. Букет цвеќе, кој сами ќе си го купите, исто така може да ве натера да се насмевнате. На шестото, седмото и осмото место се читањето добра книга, масажата и топлата бања.