Вработените чија работа е многу напната, врзуваат најсилните пријателства, сметаат научниците од Универзитетот "Ланкастер" во Велика Британија...

Колегите, кои се поддржуваат, а не се натпреваруваат на работното место стануваат поблиски на емоционално ниво отколку било кој друг. Дури вработените кои имаат многу малку заеднички интереси, можат да станат најдобри пријатели, доколку работната атмосфера им е напната.

Во истражувањето учествувале 40 британски работници кои биле индивидуално интервјуирани за нивниот однос со колегите и пријателствата надвор од канцеларија. Тие биле замолени да проценат колку е силна нивната врска и колку често се гледаат надвор од работното место.

Од тоа, научниците направиле заклучок дека најсилни пријателства врзуваат луѓето, кога се подложени на секојдневен стрес. Резултатите покажуваат дека повеќе се зближуваат луѓе кои си даваат поддршка, а не оние кои се натпреваруваат едни со други во обид да му се допаднат на газдата.