Американец, тврдел дека го открил оригиналниот рецепт за Кока-Кола во еден куп стари книги, за неколку минути си помислил дека ќе заработи 15 милиони долари, продавајќи го на eBay...

Клиф Клож сметал дека го открил тајниот рецепт за производство на омилениот светски пијалок на стар лист хартија. Печатениот лист на машина бил меѓу исправите на починат фармацевт во Тенеси кои биле прогласени за продажба.

"Тоа е писмо со формула и опис на технологијата на производство на Кока-Кола", изјави тој за локалната телевизија WXIA. Тогаш решил да го продаде овој "историски документ" со датум 15 јануари 1943 година, без сепак да обезбеди негова автентичност, на eBay.

Тој ставил почетна цена од 5 милиони долари, но и опција за брзо купување за 15 милиони долари. учестовото на тендерот за жал на продавачот се откажало. Продавачот сепак не изгубил надеж и мисли да продолжи со обидите да освои 15 милиони од овој лист хартија.

Во Кока-Кола сепак се смирени, бидејќи "има само еден оригинален рецепт, тој е тајна и се чуваат во кутија, изложена во куќата-музеј "Светот на Кока-Кола" во Атланта, рече портпаролот на компанијата. Откако е измислена во 1886 година од фармацевтот од Атланта Џон Пембертон, многумина сакаат да го имитираат најпопуларниот пијалок. Значи такви имитации се појавуваат од време на време, рече портпаролот.