Предметот кон кој жените гледаат со посебна љубов и поради кои се подготвени да го надминат и допуштениот лимит на картичката, дефинитивно се чантите.Но, овие чувари  на женските тајни кријат бројни опасности по здравјето. Најновото истражување покажало дека содржината и површината на чантите се неверојатно валкани...

Велат дека чантата ја чува главата, но според новото истражување тешко дека би можело во целост да се сложиме со старата изрека. Имено компанијата Initial Washroom Hygiene објавила запрепастувачки податоци според кои женската чаната е извор на разни бактерии, додека нејзината содржина е неверојатно валкана.

Пакувањето крема за раце, која речиси секоја жена го поседува во својата чанта е највалканиот предмет кој на својата површина има повеќе бактерии отколку ВЦ школката.

"Торбите постојано се во контакт со разни подлоги во рестораните, кафичите, јавните тоалети накои го потпираме, при што ризикот од пренесување на разни видови бактерии е голем. Плодна станица за развој на бактерии се токму чантите кои ретко ги чистиме", истакнал Петер Барат, водич на истражувањето.

Логично се покажало дека рачките на торбите се најкритични површини на кои се пронајдени бактерии ризични за човечкото здравје, додека торбите направени од кожа поради својата текстура се идеална подлога за размножување на бактерии.

Затоа стручњаците советуваат постојано миење на рацете, но и редовно чистење на торбите. Платнените чанти е пожелно да се перат во машина, додека за оние кожните решение се антибактериските гелови и влажните марамчиња со кои треба да ја бришете површината секојдневно.