Кинеските власти се обидуваат да спасат Оаза стара 2.000 години во близина на градот Дунхуанг...

Се работи за вистински рај во тој дел на Земјата. Во североисточниот дел на Кина, постои место кое ќе ви го одземе здивот. Само 6 километри јужно од Дунхуанг, во средината на пустината, се наоѓа оаза стара 2.000 години наречена Јуејакуан (Полумесечина - на кинески).  Како што почнало да се намалува езерото во оазата поради влијанието на пустината, кинеските власти одлучиле да ја спасат со наводнување, пренесува Дејли Меил.

Во 60-тите години од минатиот век, езерото во оазата било длабоко и до 5 метри, а на почетокот на 90-тите години таа длабочина се намалила на помалку од 1 метар, поради намалениот обем на подземните води.

Езерото е долго 218 метри и широко 54 метри, се работи за чиста изворска вода. Опкружено е со вистински пустински пејзаж, кој и обезбедува неверојатна убавина на оваа оаза. Се верува дека езерото е многу старо, за што сведочи ниската надморска височина.