Денес ќе ви дадеме еден предлог кој може да го каснете како за појадок, така и за десерт после ручек или вечера. Ако очкавате гости, сигурно ќе ги фасцинирате со овој совршен појадок со јогурт и јагоди. Гарантираме дека е брзо, лесно и атрактивно...

Потребни производи (за две чаши):
8 средно големи јагоди
грст корнфлекс
Половина кофичка јогурт

Како да приготвите:
Исечете 6 од јагодите на 4 парчиња. Распоредете ги исечените парчиња во две чаши. Посипете ги со корнфлекс, а потоа ставете и јогурт. Повторете уште еднаш. Конечно ставете цела јагодка на врвот.

Како што сами гледате, овој десерт е многу лесен, а исто така со него може и да се експериментира. Ако сакате, може да го направите со друго овошје или пак да го замените јогуртот со сладолед. Најважно е конечно да го изедете со задоволство :)