Ако некогаш сте се мачеле да го затворите куферот на својата жена пред патување со авион, новото британско истражување за трошоците за одмор нема особено да ве изненади...

Жените додаваат над 1/3 кон првичните трошоци за одмор, трошејќи пари за нови алишта, утврди анкетата. Многу дами признаваат дека купуваат нова облека, само за да изгледаат различно на фотографиите од одморот во споредба со претходните патувања. Тие трошат во просек 245 фунти за облека, прибор и тоалети за одмор во странство, покажува истражувањето на туристичката агенција sunshine.co.uk.

Британките издвојуваат во просек 710 фунти за лет и сместување. Испитаните претставнички на понежниот пол изјавиле дека обично трошат 245 фунти за четири пара костими за капење, шест летни фустани, пет фустани за плажа, три пара сандали или чевли за одмор, два пара шорцеви, три накити за одмор, очила за сонце, торба за плажа, лосион за сончање и три вида шминка.

Прашани зошто купуваат нова облека наместо да го користите она што го имаат во својата гардероба, 21% признале дека не сакале да изгледаат на ист начин на фотографиите од одмор, како и кај претходните одмори и патувања. 1/3 од жените изјавиле дека купуваат нова облека секој пат кога заминуваат на одмор.

"Мислам дека е лесно да заборавиш на другите трошоци на одмор, на прво место за лет и сместување. Советот ми е луѓето навистина да ја проценат облеката и додатоците, кои веќе ги имаат, бидејќи нема потреба да купат нови нешта секој пат", вели ко-основачот на сајтот sunshine.co.uk Крис Кларксон.