Што има поубаво од еден освежителен пијалок во жешките летни денови? Генерално секој сок може малку да ве излади, но розовата лимонада од грејпфрут е предлог што вреди да се проба...

Потребните производи:
2 розови грејпфрути
6 лажици шеќер (+ малку шеќер за декорација на чашата)
Ладна вода и мраз
Нане за декорација

Подготовка:
Исцедејте ги двата грејпфрута, за да остане само сокот, без никакви честички од плодот. Истурете го во соодветен бокал, додадете шеќер и мешајте додека не се растопи. Потоа додадете вода (според тоа колку силен сакате да е вкусот на грејпфрутот - или разредете со повеќе вода, или ставете помалку). Препорачаниот сооднос е 1/3 сок од грејпфрут и 2/3 ладна вода.

Откако сте го украсиле работ на чашите со малку шеќер, истурете лимонада, додадете мраз и неколку ливчиња нане за свежина.

Може да го налеете и во убави тегли и со шарени цевки.