Лицата кои на друштвените мрежи објавуваат фотографии од храната која ја јадат не само што се иритирачки, туку веројатно и имаат проблеми со исхраната...

Трендот кој американските медиуми го нарекуваат 'foodstagramming', осноано често објавување на фотографии на Инстаграм од оброците, пред да ги изедете, ги навело самите ресторани да го забранат фотографирањето на јадењата кои ги нарачуваат нивните гости.

Др.Валери Тејлор, шеф на психијатријата на Универзитетот во Торонто, вели дека опсесивното докумнетирање на своите оброци веројатно е сигнал на поголемо пореметување во исхраната.

"Имам клиенти на кои храната им стана вистински проблем и се борат самите со себе да излезат надвор со пријателите а при тоа да не јадат нешто со нив. Нив храната им стана главен елемент во друштвената интеракција. Бележат што јадат, кога јадат, кога повторно ќе јадат", вели др.Тејлор.

Иако признава дека споделувањето на фотографии со храна на друштвените мрежи е прилично често, рекла дека во некои случаи тоа може да значи исклучување на се останато. "Загриженоста започнува кога објавуваат речиси само фотографии од храна, затоа што фотографираме работи кои ни се важни", вели др.Тејлор и додава дека ако поголемиот дел од тоа што фотографираме е храна, тогаш имаме проблем.