Една шпанска организација објавила плакати кои им упатуваат на децата на телефонските броеви на кои можат да се јават ако се злоупотребувани, а рекламата е направена така што цела можат да ја видат само малите...

Плакатите од организацијата "Anar" во целост можат да се видат само ако се гледа од ниска перспектива, во просечна висина на дете од 135 сантиметри.

Додека родители (или насилниците) на плакатот гледаат само исплашено дете и пораката "Понекогаш насилството е видиливо само за оној кој е злоупотребен", децата можат да видат момче со модрици, број на телефон и реченицата: "Ако некој те повреди, побарај не и ние ќе ти помогнеме".

До оваа идеа во организацијата дошле од страв дека возразните кои вршат злоупотреба ќе им се закануваат на жртвите да не побараат помош.

"Тоа е порака скриена од возрасните и неменета исклучиво за деца. Во плакатот се споени две фотографии, а возрасните ја гледаат верзијата без број на телефон и порака", објаснила Греј Спејн од организацијата "Anar".