Според резултатите на најновото истражување на американските економисти, парите ја купуваат среќата - повеќе пари водат кон поголема среќа. Дали се согласувате со тоа...
Ништо не е ново во врска со парите и благосостојбата. Меѓутоа, новата студија покажа спротивност на поранешните истражувања според кои влијанието на парите на среќата било помало кога ќе се премине одреден прилив на пари кои им овозможуваат на луѓето задоволување на основните потреби.
Економистите Бетси Стивенсон и Џастин Волферс од Универзитетот во Мичиген, во својата студија наведуваат дека нема докази за точка на "заситеност" во односот пари-среќа.
Стивенсон и Волферс дошле до заклучок дека врската пари и среќа е иста кога се прави "споредба помеѓу сиромашните и богатите земји, како и кога се прави споредување помеѓу богатите и сиромашните внатре во една земја".
