Во англиското гратче Market Drayton живее гуската Џек кој со своите сопственици секоја вечер го посетува локалниот паб и при тоа испива по некоја чаша...

Пабот во локалното гратче речиси секоја вечер го посетува Џек, љубител на пивото. Станува збор за мажјак гуска, кој сопствениците Сали Барнет и Кеит Бургес го водат каде и да одат, па така и вечерно алкохолно опуштање.

Најпрво го оставале пред локалот, но кога дошла зимата и станувало се поладно, тие одлучиле да го внесат внатре и се покажало дека Џек едноставно обожува да се дружи. Кога му понудиле пијалок, не можел да му одолее и од тогаш пие речиси секој ден.

Во меѓувреме му отовориле и профил на Фејсбук, на кој собрал повеќе од 1.300 лајкови.

"Џек е дел од нашето семејство, исто како куче. Кога беше мал спиеше на нашиот кревет, а секој ден јаде со нас во кујна", рекла Сали која додала дека му нашле и девојка која ја нарекле Џил.