Најголемиот базен во светот се наоѓа во чилеанското одморалиште Сан Алфонсо дел Мар недалеку од градот Алгарабо...
Должината на базенот е повеќе од еден километар се наоѓа на површина од осум хектари и е полн со 250 000 кубни метри вода. Како еден интересен индикатор е фактот дека во базенот може да се плови и со мали чамци. Максималната длабочина е 35 метри. Како споредба базенот е голем колку 20 олимписки базени и е два пати поголем од базенот во листата на рекорди кој се наоѓа во Мароко.
Оваа необична туристичка атракција е изградена во 2006 година, а за таа цел биле потребни пет години работа и 1,2 милиони евра средства. Базенот е опремен со компјутерски систем кој зема вода од океанот и ја филтрира преку поставените пумпи. Температурата на водата е 26 степени, што е за 9 степени повеќе од морската вода.
