Начинот на кој луѓето околу нас реагираат на емоционални настани - без разлика дали станува збор за позитивни или негативни реакции - може да биде заразно, особено ако самите ние сме во состојба на емоционална нестабилност, пишува Live Science...

Нешто повеќе, зголемениот ризик од депресија, која доаѓа со негативните мисли, исто така може да биде пресретнат во такви моменти, сметаат научниците. Тие се повикуваат на студија на 103 парови студенти од прв семестар, кои делат иста соба. Анализата покажува дека т.н. "когнитивна ранливост" или трендот да мислите дека негативните настани се одраз на неспособноста на одредена личност и дека води до уште негативни нешта е сосема реална. Оние кај кои конгитивната ранливост е особено силна, се изложени на поголем ризик од тоа да развијат депресија.

"Утврдивме дека когнитивната ранливост на учесниците до многу голема мера е под влијание на луѓето со кои коегзистираат", се вели во написот во Журналот за клиничка психологија. "Сите учесници во истражувањето беа избрани по случаен избор и само по три месеци заеднички живот се појавија јасни знаци на заразениот карактер на размислување".

Истражувањето покажува дека учениците во кои конгитивната ранливост е зголемена во трите месеци развиле два пати сериозни симптоми на депресија во наредните шест месеци. Особено ризични се факторите како силни емоционални влијанија и големи промени во личниот живот, кои ја јакнат ранливоста од негативни сугестии.