Иако такво нешто не би ви паднало напамет, најновото истражување покажало дека начинот на кој кивате открива каква личност сте, па дури и какви сте во кревет...

Пример, гласното и "експлозивно" кивање најчесто карактеризира отворена и демонстративна личност, додека оние кои се срамежливи ќе се обидат да го затајат своето кивање. Неврологот др. Ален Хирч изјавил: "Кивањето е како смеењето. Некои се смеат гласно, други 'меко'. А слично е и со кивањето. Често ќе остане непроменето уште од младоста. Сето тоа е психолошки и може да ја открие вашата личност".

Но, овој истражувач не застанал на тоа. "Често ќе слушнете дека луѓето мислат оти кивањето е речиси еднакво на оргазмот. Ако му се препуштите ќе ги искусите уживањата на "носен оргазам". Значи, ако некој е воздржан во сексот веројатно ќе се воздржи и од кивање. Но луѓето склони кон хедонизам, оние кои едноставно сакаат да уживаат, најчесто киваат гласно и силно", објаснил Ален.

Стручњаците тврдат дека обликот на лицето и носот, односно положбата на коските играат многу мала улога во тоа како киваме, а оториноларингологот Гордон Сигел за NBC додал: "Кивањето е необичен процес, дел на одбрамбениот механизам на телото кој не тера да ги истераме бактериите или другите штетни состојки кои со текот на времето би можеле да ни наштетат. И покрај тоа, со голем дел можеме да се контролираме на кој начин ќе киваме. Сепак, повеќето луѓе не размислуваат многу за кивањето. Тоа се случува природно", заклучил Гордон и така ја потврдил теоријата на колегата.