Јошито Харада има необична стратегија како да „смува“ девојки. Тој до сега дупнал повеќе од 1.000 автомобилски гуми кои ги возеле жени, само за да започне разговор со нив.

Набргу завршил на суд, каде што признал се што направил.

Тој за речиси година дена ги дупчел гумите користејќи обивач или некој друг остар предмет.

„Тие би дошле до автомобилот и би откриле дека имаат проблем. Тогаш јас стапував на сцената. Ќе им понудев помош и веднаш ќе започнев некаков разговор“, беше искрен Харада.

Овој заводник успеале да го уапсат откако една од жените на која и помогнал да ја замени гумата и раскажала на пријателката за ситуацијата во која се нашла.

Излегло дека Харада и на другата жена и „помогнал“ околу гумата. Жените се посомневале дека станува збор за измама и ја контактирале полицијата.