Пролета стаса, а летото се ближи, па време е со полна енергија да направите нешто креативно. Освежте го својот дом во согласност со годишниот период. Ви предлагаме неколку идеи за разубавување, а вам ви преостанува да бидете креативни и да измислите нова визија за вашиот дом...

1.Клуч на секој добар дизајн се деталите, затоа фокусирајте се на оние детали кои добро изгледаат со постоечката ситуација.

2.Користете свежи бои - небесно сина, јако зелена или боја на лаванда. Нив искористете ги како главен мотив, а потоа додајте ситни детали во некои други шарени бои.

3.Ако не сте расположени за фарбање на ѕидовите или поставување на тапети, свежи и весели нијанси можете да внесете во просторот со нови завеси, прекривачи или можете да ги отстраните зимските теписи и да поставите мали теписи со цветни бои и дезени.

4.Поврзете го целиот простор со детали кои се повторуваат во облик или боја. Поставте на неколку места на пример по столовите или полиците, пеперутки во разни бои или цвеќиња во иста боја но од неколку различни видови.

Деталите и ситниците навистина може да го променат целиот изглед и чувство во просторијата. Затоа не заборавајте да мислите и на промената на пернички, занимливи оквери на рамките, огледала и вазни.