Социјалната мрежа Twitter претстави музичка апликација која препорачува музика за слушање во завиност од тоа чие твитување се следи на мрежата.

Песните можат да се емитуваат директно во рамки на апликации преку сервисите Radio, Spotify и iTunes. Овој софтвер ги прикажува песните кои ги слушаат пријателите на корисникот, како и сугестии од други уметници.

Twitter го започнал овој сервис по сличниот потег на останатите социјални мрежи. Дури и Facebook вклучи музички препораки во својот сервис.

Twitter апликацијата ќе може да се користи на мобилниот телефон iPhone, за почеток, но, освен за други iOS уреди, нема да има верзија за корисници на мобилни телефони со оперативен систем Android или Windows Phone.

Тие ќе можат да го користат овој сервис од своите пребарувачи за прегледување на интернет.