Научно докажано: ако на растенијата им ја пуштате музиката на бендот Black Sabbath тие имаат поздрави листови и поотпорни се на болести. Никако не им го пуштајте Клиф Ричард!

Врежано е мислењето дека ако растенијата ги третирате како луѓе, односно ако со нив зборувате тие ќе се чувствуваат подобро. Ако сакате да се чувствуваат одлично, тогаш пуштете им хеви метал!

Да, токму тоа е резултатот на научното истражување во Велика Британија.

Студентите на хортикултура, под раководство на своите професори, спровеле експерименти за да утврдат како различната музика влијае на растенијата.

Резултатите се навистина изненадувачки!

Растенијата на кои редовно им е пуштана музиката на бендот Black Sabbath уживале, нивните листови биле „пополни“, поголеми и поубави, а со тоа покажале поголема отпорност кон болести.

Интересно, сите растенија на кои им се пуштани песните од Клиф Ричард овенале!