Синдикатот кој застапува 33.000 работници на германската Lufthanza соопшти дека следната недела ќе одржи краткотраен штрајк. Штрајкот ќе ја попречи работата на аеродромот во цела земја.

Синдикатот Ver.di соопшти дека еднодневниот штрајк, поради тоа што последната партија преговори за платите завршила без договор, ќе го одржи во понеделник на 22 април, ќе ја попречи работата на аеродромите во целата земја и дека, меѓу останатото, ќе ги опфати Франкфурт, Минхен, Штутгарт и Келн.

Lufthanza соопшти дека ќе мора да ги откаже летовите, но се уште не разработила нов план.

Краткотрајните штрајкови за предупредување се вообичаена тактика на германските синдикати. Следната рунда на разговори е закажана за 29 април.