Американец е уапсен затоа што ја заложил својата бурма за да може да ги плати услугите на проститутка. На полицијата некако ќе и објасни, ама на жената - тешко.

Марвин Холмс (33) уапсен е во Гринвуд, Јужна Каролина, откако со автомобилот собрал проститутка во познат „проблематичен“ крај.

Полицајците ги преплашиле Холмс и проститутката Ронда Кели (41) во автомобилот, додека се спремале за акција.

Мажот на полицајците им кажал дека бил очаен затоа што има проблеми со жената и дека бракот му е на „стаклени нозе“, па одлучил да се опушти со секс без обврски.

Додал дека проститутката ја платил со пари кои ги добил во заложница за својата бурма.