Зарем не мразите кога ќе ви се случи тоа?

Пејачот на бендот Bloc Party го откри најневеројатното место на кое некогаш се разбудил. Келе Окереке кажал дека му се случи да се разбуди на терен за баскет или во затворска ќелија, но дека убедливо најбизарно искуство на будење - „од каде јас во Playboy вилата без гаќи?“

„Една вечер работев како DJ во Лос Анџелес. На журката дојдоа и многу ‘зајчици’, и си поминуваа супер со мене и мојата екипа. Веројатно доста сме испиле, бидејќи се разбудив утрината во Playboy вилата, без гаќи. Лежев на пијаното, облечен во маичка и чевли. Панталоните и гаќите ми беа на подот“, се присетува фронтменот на популарниот бенд.

Тој рече дека присутните на журката сепак го убедиле дека не се случило ништо страшно.

„Девојките и екипата ми кажаа дека не сме правеле ништо ‘палаво’ и дека претпоставуваат дека сум отишол до ве-цето и дека сум заборавил да се облечам“, рече тој.