По раѓањето на 13-то бебе најплодната сурогат мајка Керол Харлок се пензионира. По исцрпувачкото и долго раѓање, Карол роди машко дете, од кое ќе се откаже засекогаш и најверојатно нема да го види никогаш повеќе. За повеќето мајки нема ништо полошо од тоа, но Керол го правела веќе над десет пати. По помалку од 24 часа ќе го предаде бебето на двојка без деца и ќе излезе во отсуство до крајот на животот...

"Кога гигледам лицата на родителите, гушкањеро за прв пат на бебето и чистата радост во нивните очи - тоа е непроценлив дар за мене. Ништо на светот не ми дава повеќе задоволство", изјави 46-годишната Керол.

Во својата кариера таа родила близнаци еднаш и еднаш тројки што направила среќни вкупно девет парови, кои не можеле да имаат свои деца.

Во 1995 година, инспирирана од статија во весник, Керол решава да стане сурогат мајка и да помага на двојки со репродуктивни проблеми. Таа има две свои ќерки од две различни врски.

"Сакам да сум бремена. Не можам да замислам како ќе запрам" признава таа, која низ сите години родила осум девојки и пет момчиња.

Просечната сума која се добива за секоја бременост варира помеѓу 10 000 и 15 000 фунти. А откако ќе ги предаде децата на новите родители, Карол останува само со нивни фотографии, кои ги чуваат во кутија во мала селска куќа во Франција, каде живее со својот партнер Пол Браун. "По сите овие години, со нетрпение очекувам да се пензионирам и да се насладувам на спомените за сите жени, на кои сум помогнала да станат мајки", вели Керол.