Британскиот произведувач на луксузни автомобили „Ролс-Ројс“ го поддржа проектот FAB1 million чија цел е собирање пари за борба против ракот на дојка и на располагање на неговите организатори стави спцеијален модел на автомобил „гостин“.

Доставен пред неколку дена на Крис Еванс, задолжен за проектот FAB1 million, тој FAB1 „гостин“ ќе биде користен наредните 12 месеци за собирање средства (планирано е собирање на милион фунти, односно, околу 1.200.000 евра) за време на специјални случувања, а на сите ќе им биде достапен за изнајмување.

Од „Ролс-Ројс“ е соопштено дека требало доста време за да се направи тој специјален автомобил, но дека секоја минута била вредна за трудот, затоа што поводот е многу важен.

Автомобилот е со розева боја што е бојата на лентата која што е симбол на борбата против ракот на дојка и изобилува со елементи на луксуз како што се два LCD екрани сместени позади, како и звучен систем кој е составен од 16 звучнции и лежиште за шампањско за максимална удобност.

Проектот FAB1 million ќе биде лансиран утре, на 18 април.