Вкусот на алкохолните пијалоци, а не алкохолот, не тера да го сакаме и да сакаме да си налееме уште една чаша, покажува новото истражување на научници од Универзитетот во Индијана...

"Ние бевме во можност да го спроведеме првиот експеримент, кој докажува дека не ефектот од етанолот не поттикнува да сакаме да пиеме уште. Вкусот ослободува допамин во центрите за задоволство во мозокот. Тоа е уште поизразено кај луѓето кои страдаат од алкохолизам", оцени водечкиот автор на студијата Дејвид Каркен.

Тој и неговите колеги истражувале 49 мажи кои пробувале од своите омилени пијалаци. Најчесто тоа било пиво со многу низок процент алкохол.

Волонтерите земале мала доза од пијалокот, која во никој случај не може да влијае на нивната состојба. За време на "вкусувањето" научниците ја набљудувале мозочната активност во центрите одговорни за чувството на уживање и на тој начин дошле до наведениот заклучок.