Ако сакате да се излежувате пред телевизор дури и кога не сте особено уморни и ако тешко се мотивирате дури и за ситна физичка активност, науката има вест за вас - виновни се гените...

Според неодамна објавена студија на научници од Универзитетот на Мисури нивото на активност на една индивидуа се определува од генетските фактори.
Истражувачите успеале да селекционират искусни стаорци, кои под еднакви други услови се разликуваат драстично во нивото на активност. Поинаку кажано, некои од нив се многу мрзливи, а други се многу активни.

Истражувачите дошле до овој заклучок по релативно праволинеарем и во извесна смисла, бескрупулозен начин - преку постојано парење меѓу најмрзливите стаорци, како и меѓу најактивните животни.
По десет генерации конзистентна селекција резултатот бил создавање на две различни групи стаорци. Едната група од "спортисти" избирале да трчат десет пати подолго во споредба со "мрзливците".

Истражувачите не ги утврдиле физиолошки разлики помеѓу спортистите и мрзливците. Генетските разлики сепак се очигледни - според авторите на студијата разликата помеѓу вродената атлетичност и наследната мрзеливост зависи од присуството на 36 конкретни гени. Бидејќи стаорците се цицачи, научниците претпоставуваат дека овие заклучоци се однесуваат и на луѓето.