Многу британски сопственици на домашни миленици преферираат да ги прегрнуваат животните, отколку близок роднина, кога се во лошо расположение, покажува истражувањето на социјалната мрежа на Островот...

Половина од анкетираните 1124 лица во истражувањето за социјалната мрежа "My Social Petwork" изјавиле дека ги прегрнуваат домашните миленици, а една третина изјавиле дека поминуваат до 30 дена во годината во грижа за животните.

20% од испитаниците откажале планови за социјални дејности, за да бидат со домашниот миленик, покажува истражувањето на сајтот "OpinionMatters" спроведено во март годинава. Сајтот ја определи анкетата како "првиот попис на домашните миленичиња во Велика Британија".

Анкетата покажува дека 20% од сопствениците на домашни миленици редовно користат социјални мрежи како Фејсбук и Твитер, за да споделат фотографии на домашните миленици, а 10% од луѓето го земале животното на посебни прилики како крштевки или свадба.

Околу 7% од сопствениците откажале љубовна средба, а 4% си земале боледување заради миленичето, утврдила уште анкетата. 25% од сопствениците на домашни миленици во Велика Британија изјавија дека го чувствуваат домашниот љубимец повеќе како дете, отколку како животно, а 15% рекле дека му раскажуваат на животинчето за проблемите.