Американка е уапсена затоа што физички го нападнала својот дечко кој не можел да престане да пее една популарна песна.
Саманта Малсон (23) и Ларс Хансен (26) го прославувале неговиот роденден во својот стан во Лонгмонт, Колорадо. Испиле поголема количина алкохол, а славеникот цела вечер ја пеел песната Thrift Shop која ја изведуваат Маклмор и Рајан Луис.
Според полицискиот извештај, Саманта повеќе од 20 пати му кажала да престане да пее, и на крајот се скарале до таа мерка што таа го турнала и почнала да го дави.
Алкохолот бил „пресуден фактор“ во целиот случај, а Малсон е уапсена и обвинета за семејно насилство.
