Научник вели дека таа овозможува патување во иднината, но нема да ја покаже „за Кинезите да не му ја украдат идејата“.

Иранскиот научник Али Разеги патентирал своја временска машина „Арјајек“ во државниот Центар за стратешки развивања.

Разеги вели дека машината функционира по принцип на комплексни алгоритми, и дека овозможува патување во иднината, во „далечина“ од осум години.

„Мојот изум лесно го собира во торба за лаптоп, и му овозможува на корисникот да ѕирне во својата иднина пет до осум години напред“, објасни тој.

Разеги опширно се пофалил на иранскиот печат, но одбил да ја покаже машината, или да му дозволи на било кој да ја тестира.

„Доколку ја покажам, Кинезите ќе ми ја украдат идејата и ќе направат масовно производство на машината“, се пожали тој.

Разеги очигледно не слушнал дека Кинезите пред неколку години забраниле патување низ времето, затоа што тоа се коси со историјата и религијата, па тој не мора толку да се грижи за својот патент.