Освен што ја негува косата и ја прави чиста и миризлива, вашиот шампон прави чуда и во домаќинството. Еве за што се може да ви послужи...

1.Доколку имате проблеми со патентот кој заглавува, нанесте малку шампон на него и неколку пати отворете-затворете и вашиот проблем е решен.

2.Слично постапете ако сакате безболно да отстраните фластер. Нанесете капка шампон на делот залепен за кожата, причекајте неколку секунди да се натопи и лесно остранете.

3.Вратете им го сјајот на кожните обувки. Неколку капки шампон нанесете на чиста памучна крпа, добро втријте го шампонот во обувките и потоа избришете со чистиот дел од крпата.

4.За рачно перење на чувствителна облека наместо скапи детергенти во водата додадте неколку капки шампон за коса.

5.Истото важи и за дамките на облека. Нанесете на дамката малку шампон, истријте и оставете така да отстои неколку минути а потоа облеката исперете ја како и обично.

6.Употребете шампон наместо пена или крема за бричење. Нанесете го на кожата и избречете го подрачјето па измијте. Шампонот има свиленкаста текстура поради кои бричот полесно се движи по кожата.

7.Изчистете ја прашината на лисјата на домашните растенија со мешавина од вода и капка шампон.

8.Истичстете ја четката за коса и за нанесување шминка. Истријте ги со шампон и добро исплакнете ги со вода. Шампонот совршено ја отстранува телесната маснотија.

9.Помешајте шампон и сода бикарбона и направете паста за чистење на вашиот лимен миленик.

10.Ако не можете да одштрафите некоја завртка или ви оди на нерви крцкањето на вратата, подмачакјте со шампон и проблемот е решен.