Досетлив холандски угостител во својата понуда ставил пржени компирчиња прелиени со сос од канабис. Преливот не ја содржи психоактивната супстанца THC, па присутен е само вкусот, но не и дејството на канабисот.

Еден холандски угостител дошол на идејата во својата понуда да стави пржени компирчиња со прелив од канабис.

Алберт ван Бик во своите локали во Амстердам и Утрехта на муштериите им нуди пржени компирчиња прелиени со „зелен сос со силен мирис на канабис“.

„Често гледам луѓе како шетаат и пушат џоинт. Мирисот на канабис често е присутен во моите локали, па дојдов на идеја и јас нешто да преземам“, објасни Ван Бик, додавајќи дека муштериите се многу задоволни од неговата нова креација.

„Некои ми кажаа дека им се свртело во главата по неколку залаци, но тоа не е возможно. Користам екстрат од индустриски коноп, кој се користи во производството на јажиња и облека. Активната состојка на другата THC е извадена, па така преливот го има вкусот, но не и дејството на канабисот“, рече досетливиот угостител.