„Еј, женска, може една кафенце?“, вака на стјуардесите им се обраќаат неупатени и непристојни патници кои не знаат дека постои копче над седиштето за комуникација со кабинскиот персонал.

Без оглед на тоа што за време на летот се служат топли и ладни пијалоци и храна, авионот не е кафана и кабинскиот персонал не треба да се третира како келнери.

Ако ви треба нешто од стјуардесата, можеби само нешто да ја прашате, побарајте над вашето седиште копче со нацртано човече или друг сличен симбол, претиснете го и трпеливо чекајте некој од кабинскиот персонал да ви се обрати. Не сте единствени на тој лет, кој знае уште колку патници во истиот момент сакаат вода, сендвич, одговор на прашањето уште колку време има до слетувањето...

Нема потреба да мавтате со рацете, да свиркате, да станувате од седиштето. Немојте ниту да го злоупотребувате копчето за комуникација со стјуардите и стјуардесите, користете го само кога тоа е неопходно.

Служењето на пијалоци и јадење не е единствената обврска на кабинскиот персонал. Тие се грижат за вашата безбедност, хигиена, редот и мирот во авионот за време на летот.

Врзете се и опуштете се, но не баш како во кафана. „Женска, дај уште една тура“, или „Мајсторе, се симнувам на следната станица“, се „шеги“ кои на неколку илјади метри на никого нема да му бидат смешни.