Фејсбук неодамна почна да ја тестира новата функција која на корисниците ќе им овозможи за одреден износ да праќаат пораки на познати личности дури и тогаш кога тие личности не им се пријатели...

Она што корисниците го добиваат е известување дека славната личност ја прочитала нивната порака.

Корисниците овој луксуз, кој засега е достапен во 36 земји, ги кошта и до 10 фунти, пишува "The Guardian". Секако, цената зависи од сеуште неразјаснет "алгоритам на слава". Со други зборови, колку личноста е пославна толку пораката е поскапа.

Од Фејсбук порачаа дека сеуште не се знае дали оваа функција ќе им ја понудат на сите корисници, а воведувањето на целосна мрежа ќе зависи од реакциите.

За потсетување, Фејсбук во јануару на корисниците им понуди да контактираат со основачот на мрежата Марк Цукерберг за 100 долари, но нивиот потег не беше пречекан со воодушевување.