Еве една приказна со која се потврдува правилото дека заработените пари од лотарија брзо се трошат...

39-годишната Шерон Таирабеси од канадскиот град Хамилтон во 2004 заработила над 10 милиони канадски долари, но за изминатите девет години ги има истрошено до последниот цент и денес е на социјална помош.

Дамата со широки прсти трошела за сè - од луксузна куќа и автомобили до дизајнерска облека, давала на заеми на свои блиски. Денес таа е принудена да живее под кирија, патува со градскиот транспорт и работи на хонорар.

"Од време на време сепак требаше да внимавам на состојбата на сметката, но имаше толку многу нули, мислев - сè е под контрола. Но, во еден момент сфатив дека имам само 750 000 долари кои ги оставив во наследство на моите деца. Тие ќе ги добијат овие пари, кога ќе наполнат 26 години", изјави Таирабеси пред еден локален весник.

Кога ја освои главната награда Шарон имала три деца, секое од различен партнер. Веднаш потоа таа склучува брак со Вини Таирабеси, кој исто така имал три деца од претходниот брак. На двојката им се раѓаат уште три деца и денес семејството брои вкупно 11 члена.

"Децата ме молат за пари, но јас им одговарам да почекаат да земам плата", додава поранешната милионерка, која препорачува идните лото милионери да бидат повнимателни.