Кинеските туристи се се побројни и се повеќе трошат на патување. Минатата година за „шеткање“ по светот дале - 102 милијарди долари! Така ги поминаа Германците и Американците. Колку ти трошиш на патување?

Бројот на кинески туристи во странство минатата година надминал 83 милиони, што е драстичен скок во однос на 2000 година, кога таа бројка изнесувала 10 милиони, соопшти Светската туристичка организација.

Кинеските туристи минатата година потрошиле 102 милијарди долари во странство, 41% повеќе отколку во 2011. Второто место на потрошувачка го делат американските и германските туристи со потрошени по 84 милијарди долари.

Европјаните минатата година поради актуелната криза помалку патувале и помалку трошеле во странство.

Трошокот на италијанските туристи во странство минатата година е намален за 1% на 26 милијарди долари, а на француските за 6% на 38 милијарди долари.