Британската кралица Елизабета II примила почесна награда BAFTA за поддршка на филмската индустрија благодарение на „улогата на Бонд девојка“ на отварањето на Олимписките игри во Лондон.
Актерот и режисер Кенет Бран и ја предал на кралицата наградата на Британската академија за филмска и телевизиска уметност на свеченоста која кралскиот пар ја организирал во дворецот Виндзор.
„Оваа награда воедно е и признание на кралицата за највпечатлива Бонд девојка некогаш. Ако сака, имаме уште улоги за неа“, се пошегува претседателот на BAFTA наградите Џон Вилис, а според пишувањето на британските медиуми, Елизабета на неговата забелешка само „срамежливо се насмеала“.
