Најдобри сопатници во текот на авионскиот лет се Полјаците, а најмалку расположени за разговор се Белгијцити, се резултатите од анкетата која ја спровела компанијата "British Airways"...

Според анкетата на британската авиокомпанија за однесувањето на патниците во текот на летовите на кратки релации, во кои учествувале околу 2 000 Европјани, најнепосакувани сопаници се премногу гласните личности.

Белгијците најмногу пијат во текот на летањето, додека Норвежаните најчесто јадат сендвичи кои ги донеле од дома.

Анкетата покажала дека 65% од патниците изразиле желба да имаат пристап до интернет во текот на летот. Голем број испитаници изјавиле дека би сакале од авионот да има панорамски поглед.

Белгијците, според ова истражување, се најмалку расположени за дружење во авионот, затоа што дури 82% од белгиските испитаници изјавиле дека во текот на летот сакаат да читат, а само 16% од нив изразиле желба за разговор со сопатниците.

Германците се покажале како патници кои најретко доцнат на лет, само 12% од нив доаѓаат во последниот момент на аеродром.