Кинеска студентка го организирала сопствениот погреб само за да види како би изгледало тоа. „Се чувствував живо кога станав од ковчегот. Сега многу повеќе го ценам животот.“

Што не чека по смртта? Кој ќе ми дојде на погребот?

Веројатно, тоа се прашања кои ги мачат оние постарите, кои ги бројат последните денови. Но, дека тоа не е правило, покажа 22 годишната кинеска студентка Џенг Џиа, која го организирала сопствениот погреб само за да види како ќе изгледа тоа.

Објаснила дека ја организирала оваа бизарна работа само затоа што после ќе „оживее“ и потоа ќе може да ужива во животот.

Купила ковчег, го декорирала со цвеќе, ангажирала фотограф и шминкер за да изгледа колку што е можно „помртва“ кога ќе легне во ковчегот со својата омилена кукла.

Откако лежев „мртва“ час време во ковчегот, додека ја оплакувале роднините и пријателите, одлучила да „воскресне“ и да им се придружи на ожалостените.

„Сакав да видам како и дали луѓето ќе ме оплакуваат и ќе жалат по мене и затоа го организирав сопствениот погреб. Тоа што ја ‘искусив смртта’ ми покажа дека уште повеќе треба да го ценам животот. Се чувствував одлично и живо кога станав од ковчегот“, вели оваа 22 годишна Кинескиња.