Според едно истражување на 3.000 возрасни, вработени британци, покажало дека повеќето од нив во понеделник се обидуваат да го "уфрлат мозокот во работна брзина". Луѓето обично зборуваат дека најлошиот ден во неделата е понеделник, но се чини дека не е така ниту пак кога станува збор за обемот на работа ниту пак кога станува збор за стресот.
Кога ќе го надминеме понеделник, во вторник се чувствуваме полошо, тврдат научниците. Луѓето живеат со толку брзо темпо што стресот оди во чекор со тој нерамноправен ритам, посебно кога во прашање е работата. Во вторник во 11 и 45 се чини дека е најтешкиот момент во работната недела, кога вработените чувствуваат вистински товар на работната недела која е пред нив.
Околу 55% од испитаниците признале дека лесно го пребродуваат понеделник, а секој десетти испитаник во понеделник ја одложува работата на тој начин што на Facebook ги прегледува фотографиите од минатиот викенд. Речиси секој петти вработен во вторник доаѓа покасно на работа. Повеќе од половината Британци редовно чувствуваат стрес на работното место.
Речиси една четвртина од испитаниците чувствуваат стрес секој ден, а исто толку од нив за стрес ја обвинуваат преоптеретеноста на работата, додека секој петти смета дека стресот е едноставно дел од работата. Околу 12% испитаниците признаа дека напнатоста на работата ја создава шефот, а 9% за напнатоста ги обвинуваат колегите.
