Само оние кои поседуваат iPAD, 50-инчен телевизор и облека од познати бутици, се нарекуваат богати, покажуваат податоците од анкетата на 2.000 лица...

Денес богатството се мери во материјални вредности како луксузна вила во странство и Ферари во гаражата со личен регистрациски број.

Дизајнерски часовници и личен градинар се симбол на висок општествен статус. Одморот мора задолжително да биде поблиску до брегот на Индискиот Океан или во приватна вила на Карибите. Секој седми од учесниците во истражувањето признава дека си има изградено имиџ пред познаници, кој не се совпаѓа со реалноста.

Загрижувачки е дека секој петти не може да си дозволи скапи коли и одмори, но е подготвен да земе пари на кредит, само за да остави впечаток на околната. Половина од испитаниците би ја потрошиле и последната заштеда за нов смартфон или 3D телевизор.