Сопственик на ресторан во Инсбрук вовел необична забрана за сите посетители на ова место. "Од почит кон нашите работници и гости од странство ве молиме да се воздржате од размени на нежности", напишано е на ѕидот покрај куќниот ред...

Стипанската комора веќе добила неколку жалби од парови кои добиле "шут карта" од ресторанот. Сопственикот бил повикан да ја посети комората и да објасни од каде идејата за таква забрана.

"Мене не ми пречи паровите да се држат за рака или да се бакнат пред разделба, но "лигавењето" претставува проблем, затоа и треба да го напуштат локалот", рекол сопственикот.

Стопанската комора укажала дека угостителите имаат право да ги замолат гостите кои се однесуваат непримерно да го напуштат локалот. Меѓутоа не е дозволена дискриминација на основа етничка припадност, пол или хендикеп.

Откако во медиумите се појави веста за забрана за бакнување, луѓето формирале форум на интернет во кој се повикуваат на кршење на забраната, но највеното масовно бакнување сеуште не е одржано.

Сопственикот се правда дека некои гости го злоупотребувале фактот што објектот е со големина од 500 квадрати, и поради тоа има скриени агли, па имало и случаи на секс.

"Не е моја задача да ги учам гостите, но внимавам на чистотата и квалитетот, и затоа очекувам добро однесување", порачал угостителот кој веќе 11 години го држи локалот "Insieme".