Ерик Дакхарм (22) го обожава морето и пливањето, но за разлика од останатите пливачи на плажа, тој наместо купачи носи опашка за сирена...

Дакхарм, имено, е самонаречена машка сирена, а како што вели легендата, овие мистериозни суштества со тело на човек и опашка на риба, им се појавувале на морнарите и ги повикувале да им се придружат во морето.

Како што рекол за "Daily Mail" љубовта кон сирените започнала уште кога бил дете, а потоа неговите баба и дедо го однеле на претстава во која учестувала жена во костим на сирена, при што Дакхарм бил воодушевен.

Кога имал само 13 години, Ерик создал сопствена фирма, Mertailor, LLC, која се занимавала со производство на опашки за сирени, а ги изработувал од вреќи за ѓубре и разни други материјали. Три години подоцна, тој приредил вистинско шоу, а денес работата му цвета затоа што неговите опашки се појавиле во многу спотови, филмови и серии, а на неговата листа на клиенти се најде и Лејди Гага.

"Тоа е животен стил. Животниот пат кој го избрав. Ми требаше долго да го пронајдам своето место во животот. Кога ќе го облечам костимот за сирена, доживувам трансформација. Се чувствувам како да влегувам во друг свет откако ќе влезам во водата. Така бегам од притисокот на општеството."

Неговото момче, Метју Квијано, најпрво бил шокиран, но подоцна го прифатил неговиот животен стил.