Ако пиеш кафе додека го читаш ова, знај дека во моментов ова го прават и неколку илјада други луѓе ширум светот.

Nescafe, кој на светскиот пазар постои 75 години, соопшти дека секоја секунда во светот се пијат повеќе од 5.500 шолји од овој пијалок.

„Nescafe денеска е присутен во 180 земји, а со оглед на водечката позиција во категоријата производители на кафе, планираме да продолжиме со проширувањето“, истакна шефот на Nestle единицата за напивки, Карстен Фредхолм.

Nescafe настанало по Светската економска криза во 1929 година, кога тогашниот шеф на компанијата Nestle, Луј Дапл, добил задача кафето, натрупано во складиштата во Бразил, да го претвори во растворливи коцки кафе.

Денеска постојат повеќе од 200 различни вкусови од овој пијалок.

Инаку, кафето после нафтата е најкористен производ на светот, а мислењата во врска со тоа колку е здраво да се пие кафе, се поделени.