Се работи за првиот ротационен хотел на светот кој ќе се гради во Хрватска. Студиото RHE, една од најпознатите архитектонски фирми, го дизајнирала првиот ротирачки хотел во светот. Целта е - секоја, ама навистина секоја соба да има поглед на море.

Хoтелот ќе биде на три ката, кој ќе вклучува и 50 соби, кои ќе бидат на гигантска челична платформа која полека ќе ротира околу своја оска. Во рок од еден ден ќе се сврти 1.3 пати, што на сите гости ќе им даде можност да имаат поглед на море, односно секоја вечер и секое утро на својата тераса ќе можат да уживаат во различните погледи, а ротирањето притоа да не го чувствуваат.

Но, најинтересно од се е тоа што овој "пионир" ќе се изгради во Хрвадска, поточно на Шолта. Инвеститор е Profectus групацијата, а во проектот, кој би требало да биде изграден до 2012 година ќе инвестираат околу 80 милиони евра. Освен ротирачки хотел, во туристичкото место треба да се изградат Yacht Club, мали вили и луксузни бунгалови.