До овој момент фактот дека солта има негативен ефект врз срцето и кардиоваскуларниот систем, беше главната теза, која се истакна кога стануваше збор зошто не е добро да ја пресолуваме чинијата со храна....

Од денес веќе знаеме и дека солта има исто толку моќно негативно влијание и врз мозокот, а резултатот од тоа е повеќе од видлив - затупување.

Канадски лекари дошле до заклучок дека прекумерната конзумација на сол доведува до губење на голем дел од умствените способности. Тоа е јасно забележливо кај луѓето кои редовно ја злоупотребуваат - кај нив активноста на мозокот видливо се забавува со текот на времето, додека кај оние кои ја консумираат во препорачаните граници, овој процес настапува многу побавно, пишува "Дејли мејл".

Истражувачите од Универзитетот во Торонто ги докажуваат овие свои претпоставки со научен експеримент што траеше повеќе од три години. Во овој период биле следени умствените способности на над 1250 лица на возраст меѓу 67 и 84 години. Под внимание било земено и количеството сол, со што учесниците традиционално ја вкусувале храната.

Во почетокот на периодот на следење биле запишани нивните почетни ментални способности, кои биле споредени со прикажаните резултати на крајот. Од изведените податоци станало јасно дека комбинацијата на солта и седечкиот начин на живот има многу негативен ефект врз здравјето на човекот во напредна возраст.