Кога станува збор за исхраната, мажите умеат да бидат "потешки" од децата. Децата во просек во текот на неделата јадат 12 различни видови на овошје и зеленчук, додека мажите едвај се "справуваат" со шест...

Просечен маж овошје или зеленчук во текот на денот јаде едвај еднаш, а 48% од жените признаваат дека ако сакаат партнерот да го натераат да се храни здраво мора да применат посериозна "стратегија" од онаа која ја применуваат на децата.

Во Велика Британија неодамна е спроведено истражување во врска со навиките во исхраната, а од жените се очекувало да дадат податоци за конзумирањето на овошје и зленчук на нивното семејство. И додека 85% од испитаниците изјавиле дека редовно успеваат да ги убедат децата да ги изедат препорачаните пет порции дневно, повеќето признале дека многу поголем проблем им е кога станува збор за нивните партнери.

Воведувањето на здрави навики во исхраната кај партнерот подразбира примена на различни техники на маскирање, така да тој го изеде зеленчукот без да биде свесен за тоа. Жените најчесто прибегнуваат кон правење на различни преливи, го кријат зеленчукот во супи и чорби, а некои признаваат дека кога ќе снемаат нерви, еднсотавно го лажат партнерот кога ќе ги праша од што е направено јадењето.

Истражувањето покажало и дека најомрзнатиот вид на зеленчук се брокула, прокељ и модар патлиџан.